فى حــد مــات

فى حد مات لما افترق
او عاش حياته ويوم غرق
اكيد هننسى
دى الحياه زى الكتاب
مليان ورق
وايه يعنى تجربة وعدت
اعتبرها سطر غلط يوم انكتب
او كلمة فى سطر
والسطر دة انحرق
***************
فى حد مات لما فات حبيبة
وعاش وحيد
دى الحياه قابل وفارق
يوم بنضحك ويوم بنبكى
وشئ اكيد
الحياه مبتديش لحد اللى اتمناه
الا بتمن والتمن تاخد منه
انسان قريب
***************
فى حد مات لم افترق
او عاش حياته ويوم غرق
دى الحياة مشوار طويل
وبدايته دايما مستحيل
والالف ميل بيبدا بخطوة
والنهايه لازم نفترق
كل طريق وله نهاية
والنهاية يعنى الفراق
والحياه دى زى الكتاب
مليان ورق
*************
فى حد مات لما خانه
اقرب صحابه
اقرب ما ليه
هى دى حياتنا غابة
والصداقة رخيصة ليه
والامانه دى بقت
زى التحف فوق الحيطان
ولا الصور ماليه المكان
واللى يكدب
وسط الحياه هو اللى صادق
************
فى حد مات لما شاف الحق مات
وسط الميزان
والخيانه عششت فوق المكان
والفقير راح خلاص وسط الحيتان
سعر نار
خط نار
بركان دمار
واترمى وسط المكان
***** ****
فى حد مات لما
شاف الارض مغصوبة
والعروبه مغصوبة
والعروض مغصوبة
والعيون مغمضة
والنخوة متكبلة ومربوطة
*********
فى حد مات لما
جيبة مفهوش دولار
ولا ليله لقاه نهار
فى حد مات لما يصبح
يلقى بيته شوية تراب
او يلقى ابنه يختفى
فى كوم غبار
*********
فى حد مات لما ضميرة مات
واصبخ بالنسبة ليه ماضى
وشوية زكريات
فى حد مات لما
لما ...دة لسة لمات كتير
لما الخير يموت
والشر ينتصر
فى حدم مات
لما البشر تصبح ديابه
والناس جعانة
فى حد مات
لما يدخل جوة بابك
ولا يخدك من ايديك
ولا تصحى
وتلقى ناس وقفين طابور
مستنين......
ههههههه
حجات كتير
انا مش هقول ومش هكتر
الى جاى كدة بكرة اكتر
بس كلمة بقولها بجد
فى حد مات
لما شاف كل اللى فات